Haqqqımızda


 

Şirkətimizin əsas fəaliyyət istiqamətləri

 

AquaLink Azərbaycan şirkəti ölkəmizdə su təmizliyi və su hazırlanması sahəsində fəaliyyət göstərməkdədir. Şirkətimiz Avropanın fiziki və kimyəvi su təmizləmə sahəsində ixtisaslaşmış bir çox müəssisəsinin Azərbaycan nümayəndəliyini həyata keçirir.

Şirkətimizin əsas fəaliyyət istiqamətləri aşağıdakılardır:

  • İçməli su sistemləri  

  • Texniki su hazırlanması

  • Tullantı su sistemləri

  • Su kimyəvi vasitələri

  • Su təmizləmə sistemlərinin layihələndirilməsi və məsləhət xidmətləri

  • Su sistemlərinin və su anbarlarının kimyəvi yuma xidmətləri (flushing)

  • Su filtrasiya sistemlərinin təmir və işə salma xidmətləri

  • Labaratoriya xidmətləri

Aqualink şirkəti su kimyəvi vasitələrinin hazırlanması (istehsalı) sektorunda, o cümlədən içməli su dezinfektantları, qazanxana, soyutma sistemi üçün kimyəvi əlavələr, səth dezinfektantları və CİP təmizliyi sahəsində uzun illik təcrübəsi olan bir müəssisədir. Müəssisənin istehsalı olan bir çox məhsul patentləşdirilərək istifadə və istehsal hüquqları qorunur. Elmi araşdırmalar və sınaqlar nəticəsində bir çox mühüm kəşflər edilmişdir.

Hazırda AquaLink şirkəti Amerikanın, Avropanın və Türkiyənin bir çox şirkətlərinin məhsullarının Azərbaycan bazarında satışını və texniki xidmətlərini gerçəkləşdirir. Su təmizləmə, hazırlama və dezinfeksiya sistemlərinin layihələndirilməsi sahəsində xidmətlər göstərən və dünya bazarında geniş paya malik ən aparıcı şirkətlərin ölkəmizdə təmsilçiliyini həyata keçirir. Referanslar bölməsində əməkdaşlıq etdiyimiz şirkətlərin bir qismi ilə tanış ola bilərsiniz. 

 Hazırda Almaniyada su təmizlənməsində istifadə olunan xüsusi təyinatlı avadanlıqların (filtr, əks osmos, su yumşaldıcıları) idxalı, layihələndirilməsi və quraşdırılması şirkətimiz tərəfindən aparılır.

İçməli və texniki suyun hazırlanması sahəsində Danimarkanın EUROWATER şirkətinin rəsmi distribütorluğunu həyata keçirən AquaLink şirkəti, bu sahədə kompleks həll yolları təklif edir. Eyni zamanda satılan avadanlıqlara avropa zəmanəti təqdim olunmaqla satış sonrası texniki xidmət göstərilir. Bununla yanaşı, Aqualink şirkəti Danimarkanın Grundfos və Desmi kimi pompa istehsalçılarının layihə tərəfdaşıdır.

Tullantı sularının təmizlənməsi sahəsində Avropanın qabaqcıl firmalarından olan "Nijhuis İndustries" şirkətinin rəsmi nümayəndəsi kimi ölkəmizdə tullantı sularının təmizlənməsi, tullantının dəyərləndirilməsi sahəsində məhsul və xidmətlər təklif edir.

AquaLink  şirkəti Amerikanın "Culligan" şirkətinin Azərbaycanda rəsmi tərəfdaşıdır. Culligan şirkəti su hazırlanması və tullantı sularının təmizlənməsində innovativ texnologiyalar təqdim edir.

Aqualink həmçinin Amerikanın 140 illik nəhəngi "AO Smith" şirkətinin Azərbaycanda rəsmi dilerlidir. AO Smith məişət və sənaye tipli su hazırlanması sahəsində ixtisaslaşmış bir təşkilat kimi, unikal həll yolları və yüksək keyfiyyətli məhsullar təqdim edir.

Eyni zamanda, Aqualink şirkəti tərəfdaşlıq çərçivəsində əldə etdiyi patentlər əsasında su kimyəvi vasitələrinin istehsalını həyata keçirir. Bunlardan, Xlordioksid, ərpə qarşı (anti skalant) maddə, koagulyant və biosidlər.